jump to navigation

ក្រសួង​សុខាភិបាល​ចែក​មុង​និង​អង្រឹង​ដល់​ទាហាន​នៅ​ព្រះវិហារ ខែកក្កដា 31, 2008

Posted by សុភ័ក្ត្រ in ព័ត៌មាន.
add a comment
2008-07-30

មន្ដ្រី​មជ្ឈមណ្ឌល​ជាតិ​កម្ចាត់​ជំងឺ​គ្រុនចាញ់​នៃ​ក្រសួង​សុខាភិបាល​នៅ​ភ្នំពេញ បាន​ឲ្យ​ដឹង​នៅ​ថ្ងៃ​ទី​២៩ ខែ​កក្កដា ឆ្នាំ​២០០៨​នេះ ថា មជ្ឈមណ្ឌល​ជាតិ​កម្ចាត់​ជំងឺ​គ្រុនចាញ់​បាន​ធ្វើការ​ចែកចាយ​មុង​និង​អង្រឹង​ជ្រលក់​ថ្នាំ​ការពារ​ជំងឺ​គ្រុនចាញ់​ឲ្យ​ដល់​កងទ័ព​ជាតិ​ខ្មែរ​ដែល​កំពុង​តែ​ឈរ​ជើង​ការពារ​តំបន់​ប្រាសាទ​ព្រះវិហារ ពីព្រោះ​ថា​នៅ​ទី​នោះ​គឺ​ជា​តំបន់​មួយ​មាន​អត្រា​ជំងឺ​គ្រុនចាញ់​ខ្ពស់ ។

 
RFA Photo/Uy Sophea
ទាហាន​ខ្មែរ​យាម​ល្បាត​ប្រាសាទ​ព្រះវិហារ​នៅ​ក្នុង​ខែត្រ​ព្រះវិហារ នា​ថ្ងៃ​ទី​២៨ ខែ​កក្កដា ឆ្នាំ​២០០៨ ។

ប្រធាន​ផ្នែក​មុង​ជ្រលក់​ថ្នាំ​នៃ​មជ្ឈមណ្ឌល​ជាតិ​កម្ចាត់​ជំងឺ​គ្រុនចាញ់ លោក​វេជ្ជបណ្ឌិត ស៊ីវ សុវណ្ណរ័ត្ន បាន​មាន​ប្រសាសន៍​ថា​ពេល​នេះ​គឺ​ជា​រដូវ​ភ្លៀង​ធ្លាក់​ខ្លាំង ដូច្នេះ​ជំងឺ​គ្រុនចាញ់​អាច​នឹង​កើត​មាន​ច្រើន​ជាង​ពេល​ធម្មតា ជា​ពិសេស​នៅ​តាម​តំបន់​ព្រំដែន​ដូច​ជា​ខេត្ត​ព្រះវិហារ​នោះ ។

លោក​បាន​បន្ត​ទៀត​ថា ប៉ុន្តែ​សម្រាប់​កងទ័ព​ខ្មែរ​ដែល​កំពុងតែ​ការពារ​តំបន់​ប្រាសាទ​ព្រះវិហារ​នោះ គេ​នៅ​មិន​ទាន់​ឃើញ​មាន​ករណី​ណា​មួយ​កើតឡើង​នូវ​ជំងឺ​គ្រុនចាញ់​នោះ​ទេ ពីព្រោះ​មជ្ឈមណ្ឌល​ជាតិ​កម្ចាត់​ជំងឺ​គ្រុនចាញ់​នៃ​ក្រសួង​សុខាភិបាល បាន​ជួយ​ការពារ​រួច​ជា​ស្រេច​ទៅ​តាម​រយៈ​ការផ្តល់​មុង​និង​អង្រឹង​ជ្រលក់​ថ្នាំ​នោះ ។

លោក​វេជ្ជបណ្ឌិត ស៊ីវ សុវណ្ណរ័ត្ន បាន​មាន​ប្រសាសន៍​ថា ៖ «ខាង​យើង​មិន​មាន​អី​កត់សម្គាល់​ថា ឈឺ​អី​ធំដុំ​ធ្ងន់ធ្ងរ​ដូច​ខាង​ថៃ​ផ្សាយ​នោះ​ទេ បើ​មាន​បញ្ហា​ឈឺ​ធ្ងន់ធ្ងរ​គឺ​មាន​វិធានការ​ចុះ​ទៅ​ប្រើ​ថ្នាំ​បាញ់​បំបាត់​ប្រភព​មូស ឬក៏​យើង​មាន​វិធានការ​អី​ផ្សេង​ទៀត ឬ​ក៏​យើង​ត្រូវ​យក​គ្រូពេទ្យ​យើង​ចុះ​ទៅ​ជា​បន្ទាន់ យើង​ព្យាបាល​ភ្លាមៗ»

បញ្ជាក់​ប្រាប់​ពី​បញ្ហា​នេះ​ដែរ​ប្រធាន​មជ្ឈមណ្ឌល​ជាតិ​កម្ចាត់​ជំងឺ​គ្រុនចាញ់ លោក​វេជ្ជបណ្ឌិត ឌួង សុជាតិ បាន​ឲ្យ​ដឹង​ថា​ក្រៅពី​បាន​ផ្ដល់​មុង​និង​អង្រឹង​ជ្រលក់​ថ្នាំ ក្នុង​នោះ​មជ្ឈមណ្ឌល​ជាតិ​កម្ចាត់​ជំងឺ​គ្រុនចាញ់​របស់​ក្រសួង​សុខាភិបាល​ថ្មីៗ​នេះ ក៏​បាន​ធ្វើការ​ផ្តល់​ឪសថ​មួយចំនួន​ផងដែរ​ឲ្យ​ដល់​កងទ័ព​ជាតិ​ដែល​កំពុងតែ​ឈរ​ជើង​នៅ​តំបន់​ប្រាសាទ​ព្រះវិហារ​នោះ ។

មន្ដ្រី​មជ្ឈមណ្ឌល​ជាតិ​កម្ចាត់​ជំងឺ​គ្រុនចាញ់​បាន​ឲ្យ​ដឹង​ទៀត​ថា កាលពី​មិន​ទាន់​មាន​បញ្ហា​ទាហាន​ឈុត​ខ្មៅ​ថៃ​ចូល​មក​លុកលុយ​ក្នុង​ទឹក​ដី​ប្រាសាទ​ព្រះវិហារ​ខ្មែរ​នោះ គឺ​មជ្ឈមណ្ឌល​ជាតិ​បាន​ធ្វើការ​ចែកចាយ​មុង​ជ្រលក់​ថ្នាំ​ឲ្យ​ដល់​កងទ័ព​ដែល​ធ្លាប់​យាម​ប្រចាំការ​នៅ​តាម​ព្រំដែន​និង​ប្រជាពលរដ្ឋ​នៅ​ក្នុង​ខេត្ត​ព្រះវិហារ​នោះ​រួច​ហើយ​ដែរ​ដែល​បាន​ផ្ដល់​មុង​ថ្មី​ជិត​ដប់​ម៉ឺន​មុង ។

ប្រធាន​ផ្នែក​មុង​ជ្រលក់​ថ្នាំ​នៃ​មជ្ឈមណ្ឌល​ជាតិ​កម្ចាត់​ជំងឺ​គ្រុនចាញ់ លោក​វេជ្ជបណ្ឌិត ស៊ីវ សុវណ្ណរ័ត្ន បាន​បញ្ជាក់​ថា​តាមរយៈ​ការផ្តល់​មុង​និង​អង្រឹង​ជ្រលក់​ថ្នាំ ព្រមទាំង​ផ្តល់​ឪសថ​សម្រាប់​ព្យាបាល​ជំងឺ​គ្រុនចាញ់​ផង​នោះ ទាំង​កងទ័ព​ក៏​ដូច​ជា​ប្រជាពលរដ្ឋ​នៅ​ក្នុង​ខេត្ត​ព្រះវិហារ​ឆ្នាំ​នេះ​គេ​រំពឹង​ថា​អាច​ការពារ​ជំងឺ​គ្រុនចាញ់​បាន​ប្រមាណ​៩០% ។

លោក​វេជ្ជបណ្ឌិត ស៊ីវ សុវណ្ណរ័ត្ន បាន​មាន​ប្រសាសន៍​ថា ៖ «អ្នក​ដែល​ឈរ​នៅ​ហ្នឹង​ចាស់​ពី​មុន​យើង​បាន​ចែក យើង​បាន​ជ្រលក់​មុង​គាត់​ដែល​ចាស់​ហ្នឹង​ដើម្បី​ការពារ​ជំងឺ​គ្រុនចាញ់»

ទាក់ទង​ទៅ​នឹង​អត្រា​ជំងឺ​គ្រុនចាញ់​នៅ​ទូទាំង​ប្រទេស​វិញ​នោះ មន្ត្រី​មជ្ឈមណ្ឌល​ជាតិ​កម្ចាត់​ជំងឺ​គ្រុនចាញ់​នៃ​ក្រសួង​សុខាភិបាល​បាន​បញ្ជាក់​ថា នៅ​ក្នុង​ឆ្នាំ​នេះ​គិត​ចាប់តាំង​ពី​ដើម​ឆ្នាំ​រហូត​មក​ដល់​ពេល​នេះ​គឺ​មាន​ជំងឺ​គ្រុនចាញ់​ចំនួន​១៥៥០០​ករណី ក្នុង​នោះ​មាន​អ្នក​ស្លាប់​ចំនួន​៤៦​នាក់ ៕

ប្រភព៖ http://www.rfa.org/khmer/indepth/health-ministry-distributes-mosquito-nets-soldiers-07302008081811.html

Advertisements

ព្រះសង្ឃ​ថ្នាក់​រាជា​គណៈ​សំខាន់ៗ​គ្រោង​ធ្វើ​ពីធី​បួងសួង​នៅ​ប្រាសាទ​ព្រះវិហារ ខែកក្កដា 31, 2008

Posted by សុភ័ក្ត្រ in ព័ត៌មាន.
add a comment
2008-07-30

ព្រះសង្ឃ​ថ្នាក់​រាជា​គណៈ សង្ឃ​នាយក សង្ឃ​នាយក​រង មួយ​ក្រុម​របស់​ប្រទេស​កម្ពុជា គ្រោង​នឹង​មក​កាន់​តំបន់​ប្រាសាទ​ព្រះវិហារ​កន្លែង​កំពុង​ប្រឈម​មុខ​ដាក់​គ្នា​នៃ​កងទ័ព​កម្ពុជា​ថៃ ដើម្បី​ធ្វើ​ពិធី​បួងសួង​តាម​ជំនឿ​ព្រះពុទ្ធ​សាសនា​សុំ​សន្តិភាព​និង​ទឹក​ដី ជំនួស​ឲ្យ​ការបង្ហូរ​ឈាម​គ្នា​ដោយ​អាវុធ​រវាង​ប្រទេស​ទាំង​ពីរ ។

 
RFA Photo/Uy Sophea
សម្ដេច​ព្រះសង្ឃ​រាជ​គណៈ​មហានិកាយ ព្រះ​មហា​សុមេធាធិបតី ទេព វង្ស (ស្ដាំ) និង មេ​បញ្ជាការ​កងទ័ព​ជើង​គោក​ថៃ នៅ​ក្នុង​វត្ត​កែវសិក្ខាគិរីស្វារៈ ក្បែរ​ប្រាសាទ​ព្រះវិហារ កាលពី​ថ្ងៃ​៣០ កក្កដា ២០០៨ ។

សម្ដេច​ព្រះសង្ឃ​រាជ​គណៈ​មហានិកាយ​នៃ​ប្រទេស​កម្ពុជា​ព្រះ​មហាសុមេធាធិបតី ទេព វង្ស បាន​មាន​ព្រះ​ថេរដីកា​កាលពី​ថ្ងៃ​ពុធ ទី​៣០ ខែ​កក្កដា នៅ​ក្នុង​ទី​វត្ត​កែវសិក្ខាគិរីស្វារៈ​នៃ​ទឹក​ដី​ខ្មែរ​ដែល​កង​ទាហាន​ឈុត​ខ្មៅ​របស់​ថៃ​កំពុង​តែ​កាន់កាប់ ថា ព្រះសង្ឃ​ពុទ្ធ​សាសនា​ថ្នាក់​រាជា​គណៈ​សំខាន់ៗ​នឹង​មក​ធ្វើ​ពិធី​ក្រុង​ពាលី​សុំ​ទឹក​ដី​និង​សន្តិភាព ជំនួស​ឲ្យ​ការបង្ហូរ​ឈាម​គ្នា​រវាង​កងទ័ព​ខ្មែរ​ថៃ​នៅ​ក្នុង​ជម្លោះ​ព្រំដែន​នៅ​ជិត​ប្រាសាទ​ព្រះវិហារ​ចាប់​ពី​ថ្ងៃ​ទី​១ ខែ​សីហា​ខាង​មុខ ។

ព្រះ​មហាសុមេធាធិបតី ទេព វង្ស បាន​មាន​ព្រះ​ថេរដីកា​ថា ៖ «គណៈ​សង្ឃ​នាយក សង្ឃ​នាយក​រង សុទ្ធតែ​រាជា​គណៈ សុទ្ធតែ​សម្ដេចៗ សុំ​បូជា​ក្រុង​ពាលី​សុំ​ទឹក​សុំ​ដី សុំ​ឲ្យ​ទី​នេះ​កន្លែង​នេះ​មាន​សុខ​សន្តិភាព ចាប់តាំង​ពី​ថ្ងៃ​ទី​១​ទៅ ។ អាត្មា​ប្រកាស​ថា សុខ​ចិត្ត​យើង​បង្ហូរ​ទឹក​ភ្នែក​វា​ប្រសើរ​ជាង​បង្ហូរ​ឈាម​គ្នា ។ ថៃ​ក៏​ព្រះពុទ្ធ​សាសនា​ដូច​គ្នា»

ទោះ​យ៉ាង​ណា​រហូត​មក​ដល់​ថ្ងៃ​ពុធ​នេះ វត្តមាន​របស់​កង​ទាហាន​ឈុត​ខ្មៅ​ថៃ​ដែល​ចូល​មក​លុកលុយ​ក្នុង​ទី​វត្ត​ទឹក​ដី​ខ្មែរ​រយៈពេល​កន្លះ​ខែ​ហើយ ដោយ​កងទ័ព​ថៃ​ទាំង​នោះ​មិន​ទាន់​មាន​គម្រោង​ជាក់លាក់​ណា​មួយ​ក្នុង​ការដក​ចេញ​ពី​ទឹក​ដី​ខ្មែរ​នៅ​ឡើយ​ទេ ។

មេបញ្ជាការ​កងទ័ព​ជើង​គោក​និង​ជា​ប្រធាន​ទំនាក់​ទំនង​ព្រំដែន​ថៃ​កម្ពុជា​ដែល​បាន​ចុះ​មក​ពិនិត្យ​ស្ថានភាព​ទាហាន​ថៃ​នៅ​ក្នុង​ទឹក​ដី​ខ្មែរ​កាល​ពី​ព្រឹក​ថ្ងៃ​ពុធ លោក​ឧត្ដមសេនីយ៍​ទោ ឌុកស៊ីត គ្រីយ៉ៃ បាន​ឆ្លើយ​បដិសេធ​ក្នុង​ការបញ្ជាក់​ពី​ពេលវេលា​ច្បាស់លាស់​ដែល​ថា តើ​កងទ័ព​ថៃ​នឹង​ដក​ចេញ​ពី​ទឹក​ដី​ខ្មែរ​នៅ​ពេល​ណា​មួយ​នៅ​ឡើយ ដោយ​លោក​មាន​ប្រសាសន៍​ថា​វា​មិនមែន​ជា​ការងារ​របស់​លោក​ទេ ។

លោក​ឧត្ដមសេនីយ៍​ទោ ឌុកស៊ីត គ្រីយ៉ៃ បាន​ឲ្យ​ដឹង​តាម​រយៈ​អ្នក​បកប្រែ​ថា ៖ “ការងារ​របស់​គាត់​គ្រាន់តែ​មក​មើល​ទេ គាត់​មិន​អាច​ឆ្លើយតប​បាន​ទេ ។ ធម្មតា​ការទំនាក់ទំនងគ្នារវាង​ប្រទេសទាំងពីរ” ។

កាលពី​ព្រឹក​ថ្ងៃ​អង្គារ​បញ្ញវ័ន្ត​ខ្មែរ​មួយ​ក្រុម​របស់​រាជបណ្ឌិត​សភា​កម្ពុជា បាន​ចាត់ទុក​ការបញ្ជូន​កងទ័ព​ថៃ​ចូល​មក​ក្នុង​ទឹក​ដី​ខ្មែរ​គឺ​ជា​អំពើ​ខុស​ច្បាប់ ហើយ​គេ​ទាមទារ​ឲ្យ​កងទ័ព​ថៃ​ទាំងអស់​ដក​ចេញ​ពី​ទឹក​ដី​ខ្មែរ​នៃ​តំបន់​ព្រះវិហារ ។

ក្រុម​បញ្ញវ័ន្ត​ខ្មែរ​បាន​ឲ្យ​ដឹង​ថា ៖ «អ្វី​ដែល​ថៃ​ធ្វើ​ពេល​នេះ ខ្ញុំ​ជឿជាក់​ថា​កម្ពុជា​អាច​តប​គ្រប់​ពេល​វេលា ប៉ុន្តែ​កម្ពុជា​ដែល​ជា​ប្រទេស​មួយ​ដែល​មាន​វប្បធម៌​ខ្ពស់ ស្អប់​ខ្ពើម​សង្គ្រាម ថៃ​ទេ​មិន​ដែល​ធ្វើ​សង្គ្រាម ។ អ៊ីចឹង​សូម​ឲ្យ​ថៃ​វិល​ត្រឡប់​ទៅ​ប្រទេស​ខ្លួនឯង​វិញ ដោយ​គោរព​នូវ​បូរណភាព​ទឹក​ដី​របស់​កម្ពុជា»

នាយក​រដ្ឋមន្ត្រី​នៃ​ប្រទេស​កម្ពុជា លោក ហ៊ុន សែន បាន​មាន​ប្រសាសន៍​កាលពី​ថ្ងៃ​អង្គារ​ថា កម្ពុជា​ត្រៀម​ខ្លួន​ជា​ស្រេច​ក្នុង​ការដក​កងទ័ព​ចេញ​ពី​តំបន់​ជម្លោះ​ជិត​ប្រាសាទ​ព្រះវិហារ ដើម្បី​ស្វែងរក​មធ្យោបាយ​បន្ធូរបន្ថយ​ភាព​តានតឹង​ផ្នែក​យោធា ក៏ប៉ុន្តែ​កាលបរិច្ឆេទ​នៃ​ការសម្រេច​ដក​កងទ័ព​នោះ​គឺ​អាស្រ័យ​ទៅ​លើ​ភាគី​ថៃ​ធ្វើ​ឡើង​ជា​មុន ៕

ប្រភព៖ http://www.rfa.org/khmer/indepth/monks-2hold-ceremony-at-PV-07302008234728.html

សម្ដេចឪ​នឹង​ដឹកនាំ​ការតស៊ូ​ដើម្បី​ការពារ​ប្រាសាទ​ព្រះវិហារ​បើ​ថៃ​ឈ្លានពាន ខែកក្កដា 31, 2008

Posted by សុភ័ក្ត្រ in ព័ត៌មាន.
add a comment
2008-07-30

ព្រះ​មហាវីរក្សត្រ ព្រះបាទ នរោត្តម សីហនុ បាន​មាន​ព្រះរាជ​ឱង្ការ​ថា​ព្រះអង្គ​នឹង​ដឹកនាំ​ការតស៊ូ​ដើម្បី​ការពារ​ប្រាសាទ​ព្រះវិហារ​និង​ប្រទេស​កម្ពុជា ប្រសិនបើ​ប្រទេស​ថៃ​ធ្វើការ​ឈ្លានពាន​វាតទី​យក​នោះ ។

 
AFP Photo
សម្តេច នរោត្តម សីហនុ អតីត​ព្រះមហាក្សត្រ​នៃ​ព្រះរាជាណាចក្រ​កម្ពុជា។

ព្រះរាជ​ឱង្ការ​នៅ​ក្នុង​ព្រះរាជ​សារ​ដែល​បាន​ធ្វើឡើង​តាំងតែ​ពី​ចុង​ខែ​ធ្នូ ឆ្នាំ​២០០៣ ប្រទាន​ចំពោះ​អ្នក​សរសេរ​ព្រះរាជ​ជីវប្រវត្តិ​របស់​ព្រះអង្គ​ជា​ជនជាតិ​អូស្ត្រាលី គឺ​លោក Julio Jeldres ហើយ​ដែល​ទើប​នឹង​ចេញ​ផ្សាយ​ក្នុង​ព្រឹត្តិបត្រ បេអឹមដេ នៅ​ក្នុង​សប្តាហ៍​នេះ គឺ​នៅ​ក្រោយ​ពេល​ដែល​ប្រទេស​កម្ពុជា​មាន​ជម្លោះ​ជាមួយ​ប្រទេស​ថៃ​នោះ ព្រះ​មហាវីរក្សត្រ​បាន​បញ្ជាក់​ថា ៖ “ខ្ញុំ​យល់​ឃើញ​ថា យើង​មិន​ត្រូវ​រំឭក​ឬ​សរសេរ​ឡើង​វិញ​នូវ​រឿង​ប្រាសាទ​ព្រះវិហារ​ទេ ។ ការកាត់ក្តី​របស់​តុលាការ​យុត្តិធម៌​អន្តរជាតិ​នៅ​ទីក្រុង​ឡាអេ គឺ​ជា​ការបញ្ជាក់​ច្បាស់លាស់​ណាស់​ទៅ​ហើយ” ។

នៅ​ក្នុង​ព្រះរាជ​សារ​ជា​ភាសា​បារាំង​ដែល​វិទ្យុ​អាស៊ីសេរី​ទទួល​បាន​ហើយ​មាន​ការបក​ប្រែ​ក្រៅ​ផ្លូវការ​នោះ ព្រះ​មហាវីរក្សត្រ​បាន​មាន​ព្រះរាជ​ឱង្ការ​ថា ៖ “ចំពោះ​ពួក​ថៃ​ដែល​នៅតែ​បន្ត​ចង់​ទាមទារ​យក​ប្រាសាទ​ព្រះវិហារ​នោះ គ្មាន​នរណា​អាច​ឃាត់ឃាំង​ពួក​គេ​ដោយ​ការសរសេរ​ឬ​និយាយ​ឲ្យ​ពួក​ថៃ​នេះ​បញ្ឈប់​ការចង់​ទាមទារ​ប្រាសាទ​ព្រះវិហារ ឬ​ក៏​អង្គរវត្ត​នោះ​ឡើយ ។ បើ​ពួក​ថៃ​មិន​ធ្វើ​ដូច​ហ៊ីត្លែរ ដែល​គាត់​បាន​លើក​កងទ័ព​ដ៏​មហិមា​របស់​គាត់ ក្នុង​ឆ្នាំ​១៩៣៩​-​១៩៤០ ដើម្បី​លុកលុយ​យក​ទឹក​ដី L’Alsace និង Lorrain នៅ​ប្រទេស​បារាំង​នោះ​ទេ ពួក​ថៃ​មិន​អាច​យក​ជោគជ័យ​ក្នុង​ការវាតទី​យក​ទឹក​ដី​ប្រទេស​កម្ពុជា និង​ប្រាសាទ​ព្រះវិហារ​នោះ​បាន​ទេ” ។

ព្រះ​មហាវីរក្សត្រ ព្រះបាទ នរោត្តម សីហនុ ដែល​ជា​អ្នក​ដឹកនាំ​ការទាមទារ​ប្រាសាទ​ព្រះវិហារ​រហូត​ដល់​ទទួល​បាន​ជោគជ័យ​ក្នុង​ការសម្រេច​ក្តី​របស់​តុលាការ​យុត្តិធម៌​អន្តរជាតិ​ក្រុង​ឡាអេ បាន​បញ្ជាក់​ទៀត​ថា ៖ “យ៉ាងណា​ក៏ដោយ​ចុះ​ក្នុង​ករណី​នេះ​ទោះបី​ជា​ខ្ញុំ​មាន​វ័យ​ចំណាស់​ហើយ​ក៏​ដោយ ខ្ញុំ​នឹង​ចូល​ព្រៃ​ម៉ាគី​ដើម្បី​ប្រយុទ្ធ​ប្រឆាំង​នឹង​ពួក​វាតទី​និយម​ថៃ នៅ​ពេល​ដែល​កងទ័ព​ថៃ​ចូល​ឈ្លានពាន​កម្ពុជា​នោះ” ។

គួរ​បញ្ជាក់​ថា​ប្រាសាទ​ព្រះវិហារ​ខ្មែរ​ដែល​ស្ថិត​លើ​ភ្នំ​ដងរែក​ក្បែរ​ព្រំដែន​ថៃ​នោះ​បាន​កើត​ជា​ជម្លោះ​រវាង​ខ្មែរ​និង​ថៃ​ជា​យូរ​មក​ហើយ រហូត​ដល់​មាន​ការសម្រេច​របស់​តុលាការ​យុត្តិធម៌​អន្តរជាតិ​ក្រុង​ឡាអេ នា​ឆ្នាំ​១៩៦២ ថា​តំបន់​ប្រាសាទ​ព្រះវិហារ​នោះ​ស្ថិត​ក្រោម​អធិបតេយ្យភាព​របស់​ខ្មែរ ។

ប៉ុន្តែ​ជម្លោះ​បាន​កើត​មាន​សា​ជា​ថ្មី​ទៀត​នៅ​តំបន់​ព្រំដែន​ក្បែរ​ប្រាសាទ​ព្រះវិហារ ក្រោយ​ពេល​ដែល​ប្រទេស​កម្ពុជា​បាន​ប្រកាស​ពី​ការចូល​ឈ្លានពាន​របស់​ថៃ ជាពិសេស​គឺ​ការចូល​កាន់កាប់​ទឹក​ដី​នៃ​វត្ត​សិក្ខាគិរីស្វារៈ ហៅ​វត្ត​ប្រាសាទ​ព្រះវិហារ បន្ទាប់ពី​ប្រទេស​កម្ពុជា​បាន​ទទួល​ជោគជ័យ​ក្នុង​ការដាក់​ប្រាសាទ​ព្រះវិហារ​ជា​បេតិកភណ្ឌ​ពិភពលោក​ដែល​ប្រទេស​ថៃ​ធ្លាប់​បាន​ធ្វើការ​ប្រឆាំង​ជំទាស់​ជា​យូរ​មក​ហើយ ។

ក្រោយ​ពី​ការចូល​លុកលុយ​នោះ​ប្រទេស​កម្ពុជា​បាន​ធ្វើការ​ចរចា​ជាមួយនឹង​ប្រទេស​ថៃ​មួយ​លើក​ជា​ពីរ​លើក​រួច​មក​ហើយ ដើម្បី​ឲ្យ​មាន​ការដក​កងទ័ព​ចេញ​ពី​តំបន់​នោះ ។

ការចរចា​ចុង​ក្រោយ​នៅ​ខេត្ត​សៀមរាប កាលពី​ថ្ងៃ​ច័ន្ទ​កន្លង​ទៅ​នេះ ភាគី​ទាំង​ពីរ​បាន​យល់ព្រម​ដក​កង​ទ័ព​ចេញ​ពី​តំបន់​មាន​ជម្លោះ​នោះ ប៉ុន្តែ​រហូត​មក​ទល់​នឹង​ពេល​នេះ​គេ​នៅតែ​មិន​អាច​ដឹង​បាន​ថា ការដក​ទ័ព​នោះ​កើត​មាន​នៅ​ពេល​ណា​នោះ​ទេ ? ៕

ប្រភព៖ http://www.rfa.org/khmer/indepth/exking-2protect-PreahVihear-temple-07302008094115.html

ក្រុម​បញ្ញវ័ន្ត​ខ្មែរ​ទាមទារ​ឲ្យ​ថៃ​ដក​ទ័ព​ចេញ​ពី​ទឹក​ដី​ខ្មែរ ខែកក្កដា 31, 2008

Posted by សុភ័ក្ត្រ in ព័ត៌មាន.
add a comment
2008-07-29

ក្រុម​បញ្ញវ័ន្ត​ខ្មែរ​មួយចំនួន​កាលពី​ព្រឹក​ថ្ងៃ​អង្គារ ទី​២៩ ខែ​កក្កដា បាន​ស្រែក​ទាមទារ​ឲ្យ​កង​ទាហាន​ថៃ​ទាំងអស់​ដែល​កំពុង​ចូល​លុកលុយ​ទឹក​ដី​ខ្មែរ​នៅ​តំបន់​ប្រាសាទ​ព្រះវិហារ ត្រូវ​ដក​កងទ័ព​ចេញ​ដើម្បី​បញ្ឈប់​ការឈ្លានពាន​មក​លើ​អធិបតេយ្យភាព​និង​បូរណភាព​ទឹក​ដី ។

 
AFP Photo
ទាហាន​ខ្មែរ​ដើរ​នៅ​ក្នុង​បរិវេណ​ប្រាសាទ​ព្រះវិហារ នៅ​លើ​ភ្នំ​ដងរែក នៃ​ខេត្ត​ព្រះវិហារ នា​ថ្ងៃ​២១ កក្កដា ២០០៨ ។

កាលពី​ព្រឹក​មិញ​ក្រុម​បញ្ញវ័ន្ត​ខ្មែរ​មួយ​ក្រុម​មក​ពី​រាជបណ្ឌិតសភា​កម្ពុជា​ដែល​មាន​គ្នា​ប្រមាណ​២០​នាក់ បាន​មក​ដល់​ក្នុង​វត្ត​កែវសិក្ខាគិរីស្វារៈ នៃ​តំបន់​ប្រាសាទ​ព្រះវិហារ​ដែល​ទាហាន​ឈុត​ខ្មៅ​ថៃ​កំពុង​កាន់កាប់ ។

ក្រុម​បញ្ញវ័ន្ត​ទាំង​នោះ​បាន​ដាក់​បដា​ពាក្យស្លោក​ជា​ភាសា​អង់គ្លេស​មាន​ន័យ​ថា ថៃ​ត្រូវតែ​ដក​កងទ័ព​ចេញ​ពី​ទឹក​ដី​ខ្មែរ ព្រមទាំង​បាន​ដាក់​តាំង​សាលក្រម​តុលាការ​អន្តរជាតិ ខែ​មិថុនា ឆ្នាំ​១៩៦២ ក្នុង​បំណង​បញ្ជាក់​ថា កងទ័ព​ថៃ​កំពុង​បំពាន​ខុស​ច្បាប់​ចូល​លុកលុយ​ទឹក​ដី​ខ្មែរ​ផង ។

អនុ​ប្រធាន​វិទ្យាស្ថាន​អន្តរជាតិ​កម្ពុជា​នៃ​រាជបណ្ឌិតសភា​កម្ពុជា លោក សុខ ទូច បាន​មាន​ប្រសាសន៍​ថា កម្ពុជា​ធ្លាប់​ឆ្លងកាត់​សង្រ្គាម​ជា​ច្រើន​ឆ្នាំ​មក​ហើយ មិន​ចង់​ធ្វើ​សង្រ្គាម​ទៀត​ទេ ក៏ប៉ុន្តែ​កង​ទាហាន​ថៃ​ត្រូវតែ​ដក​ចេញ​ពី​ទឹក​ដី​ខ្មែរ ។

លោក សុខ ទូច បាន​មាន​ប្រសាសន៍​ថា ៖ «អ្វី​ដែល​ថៃ​ធ្វើ​ពេល​នេះ ខ្ញុំ​ជឿជាក់​ថា កម្ពុជា​អាច​តប​គ្រប់​ពេល​វេលា ប៉ុន្តែ​កម្ពុជា​ដែល​ជា​ប្រទេស​មួយ​ដែល​មាន​វប្បធម៌​ខ្ពស់ ស្អប់ខ្ពើម​សង្រ្គាម ។ ថៃ​ទេ​មិន​ដែល​ធ្វើ​សង្រ្គាម អ៊ីចឹង​សូម​ឲ្យ​ថៃ​វិល​ត្រឡប់​ទៅ​ប្រទេស​របស់​ខ្លួន ដោយ​គោរព​នូវ​បូរណភាព​ទឹក​ដី​របស់​កម្ពុជា»

ទោះ​យ៉ាង​ណា​អនុ​សេនីយ៍​ឯក​មេបញ្ជាការ​ទាហាន​ឈុត​ខ្មៅ​ថៃ​មួយ​រូប​ដែល​កំពុងតែ​គ្រប់គ្រង​កងទ័ព​ជុំវិញ​បរិវេណ​វត្ត​ខ្មែរ​នៃ​តំបន់​ប្រាសាទ​ព្រះវិហារ មិន​បាន​បង្ហាញ​ប្រតិកម្ម​ចំពោះ​ការទាមទារ​នោះ​ទេ ដោយ​គ្រាន់តែ​មាន​ប្រសាសន៍​ថា​មិន​អាច​អធិប្បាយ​បាន ។

សូម​រំឭក​ថា​កាលពី​ព្រឹក​ថ្ងៃ​ច័ន្ទ​ស្រប​ពេល​ដែល​មន្រ្តី​ការ​បរទេស​ខ្មែរ​ថៃ​កំពុង​ជួប​ចរចា​គ្នា​ពី​បញ្ហា​វិបត្តិ​នៅ​ជុំវិញ​ប្រាសាទ​ព្រះវិហារ​ឯ​ខេត្ត​សៀមរាប នៅ​ឯ​ច្រក​ព្រំដែន​តាថាវ ចម្ងាយ​ប្រមាណ ៦​គីឡូម៉ែត្រ​ពី​ភ្នំ​ព្រះវិហារ មាន​សេចក្ដី​រាយការណ៍​ថា​ទាហាន​ប៉ារ៉ា​ថៃ​ប្រមាណ​២០​នាក់​បាន​ចូល​លុកលុយ​ក្នុង​ព្រំដែន​ខ្មែរ​ថែម​ទៀត ។

មេបញ្ជាការ​រង​ប៉ូលិស​ព្រំដែន​មួយ​រូប​ដែល​សុំ​មិន​បញ្ចេញ​ឈ្មោះ​បាន​មាន​ប្រសាសន៍​ថា ទាហាន​ប៉ារ៉ា​ថៃ​បាន​ចូល​មក​ជីក​លេណដ្ឋាន​ចម្ងាយ​ប្រមាណ​៥០០​ម៉ែត្រ​ក្នុង​ទឹក​ដី​ខ្មែរ ៖ «ទាហាន​ប៉ារ៉ា ទាហាន​ខ្មៅ​ហ្នឹង វា​ចូល​មក​ដល់​ចំណុច​ច្រក​តា​ថៅ ហួស​មក​ចូល​ដី​ខ្មែរ​ប្រហែល​៥០០​ម៉ែត្រ ម៉ោង ៧ ទៅ​ម៉ោង ៨ យើង​ដេញ​វា​ទៅ​វិញ វា​ថា​មេ​វា​ឲ្យ​មក»

រហូត​មក​ដល់​ល្ងាច​ថ្ងៃ​អង្គារ​នេះ​នៅ​ឯ​បរិវេណ​វត្ត​ខ្មែរ​នៃ​តំបន់​ប្រាសាទ​ព្រះវិហារ កង​ទាហាន​ឈុត​ខ្មៅ​ថៃ​នៅតែ​មាន​វត្តមាន​នៅ​ឡើយ ហើយ​នៅ​តាម​ខ្សែ​ត្រៀម​ទី​មួយ​នៃ​ព្រំដែន​តំបន់​នោះ​ទាហាន​ខ្មែរ​និង​ទាហាន​ប៉ារ៉ា​ថៃ​នៅតែ​ប្រឈមមុខ​ដាក់​គ្នា បើទោះបី​ជា​លទ្ធផល​ការចរចា​រវាង​មន្រ្តី​រដ្ឋាភិបាល​ខ្មែរ​ថៃ​បាន​ព្រមព្រៀង​លើ​ចំណុច​ឲ្យ​មាន​ការដក​កងទ័ព​ចេញ​ពី​តំបន់​ជម្លោះ​ហើយ​ក៏​ដោយ ៕

ប្រភព៖ http://www.rfa.org/khmer/indepth/Cam-students-demand-Thai-2withdraw-troops-07302008062200.html

ได้ทีขี่แพะเย้ย “สีหนุ” ขุดเรื่องเก่าขึ้นมาขำ ខែកក្កដា 31, 2008

Posted by សុភ័ក្ត្រ in ข่าว.
add a comment


ทรงกำกับเอาไว้ตอนท้ายด้วยว่า ทั้งหมดนี้เป็นสิ่งที่เกิดขึ้นจริง

ผู้จัดการออนไลน์– สมเด็จพระนโรดมสีหนุ อดีตกษัตริย์กัมพูชาทรงมีบันทึกประวัติศาสตร์ชิ้นใหม่ออกตีพิมพ์บนเว็บไซต์ส่วนพระองค์ ทรงแสดงความขบขันต่อ 2 เหตุการณ์ในประวัติศาสตร์ หลังจากศาลโลกได้ตัดสินยกปราสาทพระวิหารให้แก่กัมพูชาภายใต้รัฐบาลพรรคสังคมราษฎร์นิยมของพระองค์
       
       เรื่องแรกที่ทรงระบุในบันทึกชิ้นใหม่นี้ก็คือ ภายหลังการตัดสินของศาลโลกวันที่ 15 มิ.ย.2505 นายถนัด คอมันต์ รัฐมนตรีต่างประเทศของไทยในขณะนั้นได้พูดถึงพระองค์โดยเรียกว่า “ต่ำกว่ามนุษย์”
       
       อีกเหตุการณ์หนึ่งที่ทรงระบุเอาไว้ในบันทึกก็คือ ในปี 2511 หรือ 6 ปีหลังจากศาลระหว่างประเทศมีคำพิพากษาดังกล่าวได้มีการจัดประท้วงพระองค์ขึ้นในจังหวัดหนึ่งของไทย มีการทำ “หุ่นนโรดมสีหนุ” ขึ้นแขวนบนรถบรรทุกแห่ประจานไปตามตัวเมือง มีคนเข้าร่วมขบวนราว 100 คน
       
       มีการทิ่มแทงหุ่นขนาดใหญ่นั้น ก่อนจะจุดไฟเผาจนวอดเป็นเถ้าถ่าน เพื่อทำให้ “สีหนุ” ตาย มีคนไทยที่กระเหี้ยนกระหือรืออยากรู้อยากเห็นอีกนับพันๆ คนเรียงรายตามสองข้างทางระหว่างที่รถบรรทุกแห่แหนหุ่นสีหนุแล่นผ่านไป
       
       “แต่สวรรค์เข้าแทรก…” สมเด็จพระสีหนุกล่าวในบันทึกชิ้นล่าสุด
       
       “รถบรรทุกอันเป็นประวัติศาสตร์คันนั้นเกิดเสียหลักพลิกคว่ำและหล่นลงไปในคูน้ำ” มีคนบนรถ 1 คนเสียชีวิตในอุบัติเหตุรถยนต์ที่ไม่คาดฝันนี้.. ผู้คนพากันตกใจวิ่งหนี และเลิกการสาปแช่งหุ่นสีหนุ
       
       สมเด็จพระสีหนุซึ่งกำลังจะมีพระชนม์ครบ 87 พรรษาในเดือน ก.ย.ศกนี้ ทรงมีบทบาทอย่างสูงในกรณีพิพาทปราสาทพระวิหารกับไทยเมื่อครึ่งศตวรรษก่อน


หน้าแรกของบันทึกภาษาฝรั่งเศสด้วยลายพระหัถต์ชิ้นล่าสุด ซึ่งตีพิมพ์บนเว็บไซต์ส่วนพระองค์ในสัปดาห์นี้

หลังการเผชิญหน้าทางทหารระหว่างสองฝ่ายครั้งล่าสุดนี้ อดีตกษัตริย์กัมพูชาทรงริเริ่มในการระดมความช่วยเหลือจากสำนักพระราชวัง ส่งถึงทหารที่ไปประจำบนเขาพระวิหาร
       
       อย่างไรก็ตามสมเด็จพระสีหนุทรงมีบันทึกอีกฉบับหนึ่งเมื่อเร็วๆนี้ แสดงความเห็นต่อข่าวที่ตีพิมพ์ในหนังสือพิมพ์ภาษาเขมรฉบับหนึ่งที่ไปสัมภาษณ์หญิงแม่บ้านมีอายุคนหนึ่งใน จ.บ้านใต้มีชัย (Banteay Meanchey) ซึ่งระบุว่า ตนไม่ทราบว่าปราสาทพระวิหารเป็นของไทยหรือของกัมพูชา และไม่ทราบว่าอยู่ที่ไหนของประเทศ
       
       สมเด็จพระสีหนุทรงระบุว่า “ปวดใจ” กับชาวเขมรเช่นแม่บ้านคนนี้.

ប្រភព៖ http://manager.co.th/IndoChina/ViewNews.aspx?NewsID=9510000090074

សម្តេចឪ​រំឭករឿងអតីតកាល​ពីរ​បន្ទាប់​ពី​តុលាការ​ឡាអេ​សម្រេច​ក្តី​ប្រាសាទ​ព្រះវិហារ ខែកក្កដា 31, 2008

Posted by សុភ័ក្ត្រ in ព័ត៌មាន.
1 comment so far

មាន​រឿង​គួរ​ឲ្យ​ចង់​សើច​ពីរ បន្ទាប់​ពី​ជោគ​ជ័យ​របស់​រដ្ឋាភិបាល​សង្គម​រាស្ត្រ​និយម​របស់​ខ្ញុំ នៅ​ឯ​តុលាការ​យុត្តិធម៌​អន្តរជាតិ​ក្រុង​ឡាអេ ក្នុង​ឆ្នាំ​១៩៦២ ដែល​តុលាការ​នេះ​ចេញ​សាលក្រម​ថា “ប្រាសាទ​ព្រះវិហារ​ជា​របស់​កម្ពុជា”។

  1. លោក ថាណាត ខូម៉ាន់ មេ​ដឹកនាំ​ថៃ​ជំនាន់​នោះ បាន​ហៅ​ខ្ញុំ​ថា “ក្រោម​មនុស្ស”។
  2. ក្រុង​ទីក្រុង​ថៃ​ក្នុង​ឆ្នាំ​១៩៦២ គេ​បាន​ផលិត​រូប​តុក្កតា​ធំ​មួយ​តំណាង​ នរោត្តម សីហនុ។ គេ​ដាក់​រូប​តុក្កតា​ធំ​នោះ ដែល​មាន​ការ​តុបតែង​លំអ​ដោយ​ប៉ង់តាត​មួយ​ដែល​គូស​បញ្ជាក់​យ៉ាង​ច្បាស់​ពី​ឈ្មោះ​របស់​តុក្កតា​នេះ “នរោត្តម សីហនុ” នៅ​លើ​រថយន្ត​កាំមីញ៉ុង​បើក​ដំបូល​មួយ។ ជនជាតិ​ថៃ​ចំនួន​១០០​នាក់​ប្រឆាំង​សីហនុ​ដែល​សើច​ក្អាកក្អាយ និង​មាន​ទឹក​មុខ​រីករាយ​ក៏​នាំ​គ្នា​ឡើង​ជិះ​លើ​រថយន្ត​នេះ​ដែល​ដឹក​រូប​តុក្កតា​ធំ “នរោត្តម សីហនុ” នោះ​ឆ្ពោះ​ទៅ​កាន់​កន្លែង​ផ្តន្ទាទោស គឺ​កន្លែង​គេ​ត្រូវ​ប្រហារ​រូប​តុក្កតា​ធំ​នេះ​ដោយ​ដុត​ឲ្យ​ក្លាយ​ទៅ​ជា​ផះផង់។

ពល​រដ្ឋ​ថៃ​ជា​ច្រើន​សិប​ពាន់​នាក់​ទៀត​ដែល​ក៏​សើច​សប្បាយ និង​រីករាយ​ផង​ដែរ បាន​ប្រមូល​ផ្តុំ​គ្នា​នៅ​តាម​ដង​វិថី​ដែល​រថយន្ត​កាំមីញ៉ុង​បើក​ដំបូល​បើក​ឆ្លង​កាត់ និង​ប្រមូល​ផ្តុំ​គ្នា​នៅ​តាម​ចិញ្ចើម​ផ្លូវ​ក្នុង​ពិធី​ដ៏​រីករាយ​នៃ​ការ​បូជា​តុក្កតា​ធំ​នោះ ដែល​មាន​ឈ្មោះ​សីហនុ។ ពេល​នោះ​ព្រះ​ក៏​បាន​បញ្ចេញ​មហិទ្ធិ​ឫទ្ធិ​ធ្វើ​ឲ្យ​រថយន្ត​នោះ​ក្រឡាប់​ធ្លាក់​ចូល​ទៅ​ក្នុង​ជង្ហុក​មួយ។ មនុស្ស​ម្នាក់​ក្នុង​ចំណោម​មនុស្ស​ច្រើន​នាក់​ដែល​ជិះ​លើ​រថយន្ត​នេះ​បាន​ត្រូវ​ស្លាប់​ដោយ​សារ​គ្រោះ​ថ្នាក់​រថយន្ត​ដែល​នឹក​ស្មាន​មិន​ដល់។

ពេល​នោះ​មាន​ភាព​ចលាចល​ក្នុង​ចំណោម​ហ្វូង​មនុស្ស។ គេ​បាន​នាំ​គ្នា​រត់​ចេញ​ឆ្ងាយ​ពី​រថយន្ត​កាំមីញ៉ុង​ដែល​ជួប​គ្រោះ​ថ្នាក់ ហើយ​បោះ​បង់​ចោល​ការ​ពិឃាត​រូប​តុក្កតា​ធំ​ឈ្មោះ នរោត្តម សីហនុ នោះ។

ប្រភព ៖ កាសែតកោះសន្តិភាព

http://khmerism.wordpress.com/2008/07/30/ex-king-reviewed-his-pass-time/

ຂເມນຈະຖອນ ທະຫານ ຖ້າໄທຫາກ ພ້ອມຄືກັນ ខែកក្កដា 30, 2008

Posted by សុភ័ក្ត្រ in ຂ່າວ.
add a comment
ທ່ານ ເຕຊ ບຸນນາຄ ຣມຕ ຕ່າງປະເທດໄທ ແລະຄູ່ຕຳແໜ່ງຂເມນຈັບມືກັນທີ່ສຽມຣຽບໃນ ໂກາດການປະຊຸມໄທ-ກຳພູເຈັຍ ຮູບ / ຣຍເຕີຣ໌

ທ່ານ ເຕຊ ບຸນນາຄ ຣມຕ ຕ່າງປະເທດໄທ ແລະຄູ່ຕຳແໜ່ງຂເມນຈັບມືກັນທີ່ສຽມຣຽບໃນ ໂອກາດການປະຊຸມໄທ-ກຳພູເຈັຍ ຮູບ / ຣອຍເຕີຣ໌

ໄທແລະກຳພູເຈັຍ ຕົກລົງກັນທີ່ຈະຖອນ
ທະຫານອອກຈາກພື້ນທີ່ຂັດແຍ້ງກັນໃນ
ເຂດເຂົາພຣະວິຫານ ໂດຍນາຍົກ ຣມຕ
ຮຸນເຊນໄດ້ຢືນຢັນວ່າພ້ອມທີ່ຈະຖອນທະ
ຫານ ຂອງ ກຳພູເຈັຍ ໃນ ທັນທີ ທີ່ທາງ
ການໄທຈະຖອນທະຫານຂອງຕົນອອກ
ຈາກ ພື້ນທີ່ດັ່ງກ່າວພ້ອມກັນ

ໂດຍຊົງຣິດ ໂພນເງີນ

Cambodia and Thailand to pull back 1,200 troops from Preah Vihear ខែកក្កដា 30, 2008

Posted by សុភ័ក្ត្រ in News.
add a comment

Bangkok (AsiaNews/Agencies) – Cambodia and Thailand agreed after 12 hours of tense talks on Monday to pull back 1,200 troops stationed near the Preah Vihear temple, but failed to end the long-running border dispute.“It was a successful meeting,” Cambodian Foreign Minister Hor Namhong told a press conference, saying discussions between the ministers were cordial. “We are [. . .] trying to solve the problem peacefully.”

“This agreement should be without prejudice against the rights of both sides,” he said, keeping channels of communication open.

Experts note that talks were made more difficult by the presence of newly-appointed Thai Foreign Minister Taj Bunnag who lacks the necessary experience and capacity to talk with seasoned veteran Cambodian foreign minister, who has held his post for decades.

Speaking to the press the Thai minister said that he would report on the meeting with the Thai cabinet.

Both countries claim an area that contains the Preah Vihear temple along their border where they deployed troops.

For Cambodia there is no issue since the United Nations’ International Court of Justice ruled that the temple belonged to it.

Thailand would like to see the area come under joint control, stressing that this would better respect the area’s status as a World Heritage Site that it received from UNESCO.

Bangkok is under pressure from nationalists.

Phnom Penh in pushing for United Nations mediation if bilateral talks fail.

ប្រភព៖ http://www.asianews.it/index.php?l=en&art=12879&size=A

 

កម្ពុជា​ត្រៀម​ខ្លួន​ក្នុង​ការដក​ទ័ព​ចេញ​ពី​តំបន់​ប្រាសាទ​ព្រះវិហារ ខែកក្កដា 30, 2008

Posted by សុភ័ក្ត្រ in ព័ត៌មាន.
add a comment
2008-07-29

លោក​នាយក​រដ្ឋមន្ត្រី ហ៊ុន សែន បាន​មាន​ប្រសាសន៍​នៅ​ថ្ងៃ​អង្គារ​នេះ​ថា ប្រទេស​កម្ពុជា​ត្រៀម​ខ្លួន​រួច​ជា​ស្រេច​ក្នុង​ការដក​ទ័ព​ចេញ​ពី​តំបន់​ប្រាសាទ​ព្រះវិហារ ។

 
AFP Photo
នាយករដ្ឋមន្ត្រីខ្មែរ លោក ហ៊ុន សែន ។

ទោះ​ជា​យ៉ាង​ណា​លោក​នាយក​រដ្ឋមន្ត្រី​បាន​សម្រេច​ថា កាលបរិច្ឆេទ​នៃ​ការដក​ទ័ព​នោះ​គឺ​អាស្រ័យ​ខាង​ភាគី​ថៃ ។

ប្រសាសន៍​របស់​លោក​នាយក​រដ្ឋមន្ត្រី​បាន​ធ្វើ​ឡើង​មួយ​ថ្ងៃ​បន្ទាប់ពី​មាន​កិច្ចប្រជុំ​រវាង​មន្ត្រី​ការ​បរទេស​នៃ​ប្រទេស​ទាំង​ពីរ ដើម្បី​ស្វែងរក​វិធី​បន្ធូរ​បន្ថយ​ភាព​តានតឹង​ខាង​ផ្នែក​យោធា​នោះ ។

នៅ​ក្នុង​កិច្ចប្រជុំ​កាលពី​ម្សិលមិញ​នោះ​រដ្ឋមន្ត្រី​ការ​បរទេស​នៃ​ប្រទេស​ទាំង​ពីរ​បាន​សម្រេច​យល់ព្រម​ដក​ទ័ព​រៀងៗ​ខ្លួន ។

ទោះ​ជា​យ៉ាង​ណា​បើ​តាម​អ្នក​យក​ព័ត៌មាន​របស់​វិទ្យុ​អាស៊ីសេរី​ប្រចាំការ​នៅ​ឯ​ប្រាសាទ​ព្រះវិហារ​បាន​ឲ្យ​ដឹង​ថា រហូត​មក​ទល់​នឹង​ល្ងាច​ថ្ងៃ​អង្គារ​នេះ​គ្មាន​ភាគី​ណា​បាន​ដក​ទ័ព​នៅ​ឡើយ​ទេ ៕

ប្រភព៖ http://www.rfa.org/khmer/indepth/Cam-2withdraw-troops-from-PV-07292008091712.html

មន្ត្រី​អង្គការ​ក្រៅ​រដ្ឋាភិបាល​អំពាវនាវ​ឲ្យ​រដ្ឋាភិបាល​បញ្ឈប់​ការចរចា​ជាមួយ​ថៃ ខែកក្កដា 30, 2008

Posted by សុភ័ក្ត្រ in ព័ត៌មាន.
add a comment
2008-07-29

មន្រ្តី​អង្គការ​ក្រៅ​រដ្ឋាភិបាល​នានា​បាន​អំពាវនាវ​នៅ​ថ្ងៃ​អង្គារ​នេះ ដោយ​សុំ​ឲ្យ​រដ្ឋាភិបាល​ខ្មែរ​គួរ​តែ​បញ្ឈប់​ការចរចា​ជាមួយ​ថៃ​ក្នុង​ជម្លោះ​ព្រំដែន​នៅ​តំបន់​ក្បែរ​ប្រាសាទ​ព្រះវិហារ ហើយ​ចង់​ឲ្យ​មាន​ការដោះស្រាយ​បញ្ហា​នេះ​ជា​លក្ខណៈ​អន្តរជាតិ ។

 
AFP Photo
ទាហាន​ខ្មែរ​អង្គុយ​ជាមួយ​ទាហាន​ថៃ​នៅ​លើ​ផ្លូវ​ឆ្ពោះ​ទៅ​វត្ត​មួយ នៅ​ក្បែរ​ប្រាសាទ​ព្រះវិហារ ជាប់​ព្រំដែន​ថៃ​ក្នុង​ខេត្ត​ព្រះវិហារ នា​ថ្ងៃ​ទី ១៧ កក្កដា ២០០៨ ។

ការអំពាវនាវ​នេះ​បាន​ធ្វើ​ឡើង​ភ្លាម​ៗ​ក្រោយពី​មាន​ការចរចា​ជាថ្មី​ទៀត កាលពី​ថ្ងៃ​ច័ន្ទ​រវាង​រដ្ឋមន្រ្តី​ការបរទេស​ខ្មែរ​និង​ថៃ នៅ​ខេត្ត​សៀមរាប ដែល​ពួក​មន្រ្តី​បាន​និយាយ​ថា មាន​ផ្លែផ្កា​ល្អ តែ​ក្រុម​មន្រ្តី​នៃ​អង្គការ​ក្រៅ​រដ្ឋាភិបាល​បាន​និយាយ​ថា វា​ជា​ការទាល់ច្រក​និង​ការចាញ់​ប្រៀប ។

លោក មឿង សុន ប្រធាន​អង្គការ​មូលនិធិ​ទ្រទ្រង់​អរិយធម៌​ខ្មែរ​និង​ជា​នាយក​ក្រុមហ៊ុន​ទេសចរណ៍ ឈ្មោះ អឺរ៉ាស៊ី​ត្រាវែល បាន​មាន​ប្រសាសន៍​ថា វា​ជា​ការចាញ់​ប្រៀប​មួយ​នៅ​ពេល​ដែល​កម្ពុជា​សុខចិត្ត​ចរចា​ជាមួយ​ប្រទេស​មួយ​ដែល​មាន​កម្លាំង​ទ័ព​ចូល​ក្នុង​ទឹកដី​របស់​ខ្លួន​ទៅ​ហើយ​នោះ ៖ «ខ្ញុំ​យល់​ថា អត់​មាន​បាន​លទ្ធផល​អី​ជា​វិជ្ជមាន​សម្រាប់​ឲ្យ​មាន​សុខ​សន្តិភាព ហើយ​ឲ្យ​ប្រទេស​កម្ពុជា​យើង​មាន​ស្ថានភាព​ដូច​ពី​មុន​ថ្ងៃ​១៥ កក្កដា ទេ ពីព្រោះ​លទ្ធផល​ទាំង​ប៉ុន្មាន​គាត់​និយាយ​ថា ចាំ​គាត់​ទៅ​ជម្រាប​រាជរដ្ឋាភិបាល និង​រាយការណ៍​ជូន​រាជរដ្ឋាភិបាល ។ អ៊ីចឹង បាន​ន័យ​ថា អត់​មាន​បាន​ប្រយោជន៍​អី​ទាំង​អស់ ព្រោះ​រដ្ឋាភិបាល​គេ​មាន​គម្រោង​លុកលុយ​ឈ្លានពាន​ទឹក​ដី​យើង​រួច​ទៅ​ហើយ»

លោក មឿង សុន ក៏​បាន​សម្តែង​មន្ទិល​សង្ស័យ​ដែរ​ថា ការ​ដែល​ថៃ​សុំ​ឲ្យ​មាន​ការចរចា​ទ្វេ​ភាគី​នោះ ក៏​អាច​ជា​កលល្បិច​មួយ​ផង​ដែរ ៖ «ពីព្រោះ​យើង​ដឹង​ហើយ យើង​មើល​ទៅ ជំហរ​ថៃ​គាត់​មិន​ផ្លាស់ប្ដូរ​ឥរិយាបថ​គាត់ ដោយ​ដក​ទ័ព​ទេ ។ ការដែល​គាត់​ហៅ​ចរចា​ទ្វេ​ភាគី វា​ចំណេញ​ម្យ៉ាង​សម្រាប់​ភាគី​ថៃ​និង​ភាគី​កម្ពុជា​យើង ។ ភាគី​កម្ពុជា​យើង យើង​ចំណេញ​បាន​បង្ហាញ​ពិភពលោក​ឲ្យ​ដឹង​ថា ខ្មែរ​ស្រលាញ់​សន្តិភាព យើង​សុខចិត្ត​ស្រប​តាម​ភាគី​ថៃ​សំណូមពរ ហើយ​ភាគី​ថៃ​គាត់​ចំណេញ​វិញ គាត់​ចង់​បង្ហាញ​ឲ្យ​ពិភពលោក​ឃើញ​ដែរ​ថា គាត់​មាន​ចេតនា​ចរចា​ជាមួយ​យើង ហើយ​គាត់​មាន​បំណង​ថា គាត់​ចង់​ពន្យារ​ពេល កុំ​ឲ្យ​យើង​ឆាប់​ទៅ​ប្ដឹង​ភ្លាម ដើម្បី​ទុក​ពេលវេលា​ឲ្យ​គាត់​ចំណេញ​នយោបាយ​ជាមួយ​នឹង​ក្រុម​គណបក្ស​ប្រឆាំង ។ អ៊ីចឹង​អាហ្នឹង​ជា​ល្បិចកល​របស់​គេ​ទេ គេ​ចំណេញ​នយោបាយ​របស់​គេ​ទេ»

ក្នុងករណី​នេះ លោក មឿង សុន ក៏​បាន​មាន​ប្រសាសន៍​ថា កម្ពុជា​ត្រូវតែ​ឲ្យ​មាន​ការដោះស្រាយ​បញ្ហា​នេះ ជា​លក្ខណៈ​អន្តរជាតិ​ដែល​អាច​ធ្វើ​ឲ្យ​មាន​ការអនុវត្ត​ច្បាប់​មួយ​ដ៏​មាំទាំ​បាន ៖ «គឺ​យើង​ចំណេញ​ពីរ​យ៉ាង​ធំ ។ ទីមួយ គឺ​យើង​ត្រូវ​យក​ផែនទី​សម័យ​អាណានិគម​បារាំង ឆ្នាំ​១៩០៤, ១៩០៧ ហើយ​និង​តុលាការ​ក្រុង​ឡាអេ ជា​មូលដ្ឋាន ចាប់​វាស់​ឡើង​វិញ​ទាំងអស់​នូវ​ព្រំ​ប្រទល់​ជាមួយ​ថៃ ។ អ៊ីចឹង យើង​ត្រូវ​ចំណេញ​ដី​និង​កោះ​ថែម​ទៀត ។ ខ្ញុំ​ជឿ​ថា ពេល​យើង​កើត​សង្គ្រាម​ស៊ីវិល​និង​សម័យ​ខ្មែរ​ក្រហម និង​សម័យ​លន់​នល់ គឺ​ពួក​ប្រទេស​អស់​ហ្នឹង ឈ្លានពាន​ដី​យើង​ច្រើន​ណាស់ អ៊ីចឹង បើ​កាលណា​ជ្រុល​បាន​ប្ដឹង​ហើយ យើង​ត្រូវ​តែ​ឲ្យ​អន្តរជាតិ​សើរើ​ព្រំ​ប្រទល់​ខ្មែរ​យើង​វិញ​ទាំង​អស់ គឺ​អ្វី​ដែល​បារាំង​បាន​គូស​ទុក​ឲ្យ​ជាមួយ​នឹង​ភាគី​ថៃ​ហ្នឹង ។ ចំណេញ​ទី​ពីរ គឺ​យើង​ចំណេញ​ទាំង​នយោបាយ គឺ​យើង​ឲ្យ​ថៃ​ដឹង​ថា ខ្លួន​ឯង​ជា​ប្រទេស​មួយ​ដែល​រំលោភ​ទៅ​លើ ទាំង​យូណេស្កូ ផង ទាំង​អង្គការ​សហ​ប្រជាជាតិ​ទៀត»

ដូចគ្នា​នេះ​ដែរ​លោក រ៉ុង ឈុន មេដឹកនាំ​នៃ​ក្រុម​ឃ្លាំមើល​កម្ពុជា បាន​ថ្លែង​ថា ការចរចា​របស់​កម្ពុជា​ជាមួយ​ប្រទេស​ថៃ​នោះ​គឺ​បង្ហាញ​ពី​ភាព​អាម៉ាស់​និង​អន់​ខ្សោយ​ខាង​ការទូត​មួយ​របស់​ខ្មែរ​ដែល​បាន​ធ្វើតប​នឹង​ប្រទេស​ដែល​ឈ្លានពាន​ខ្លួន ៖ «ពេល​វេលា​នេះ​ហើយ យើង​មិន​ចាំបាច់​ចរចា​ជាមួយ​ភាគី​សៀម​ទេ ពីព្រោះ​ចោរ​គេ​មក​ឈ្លានពាន​យើង​ហើយ យើង​ទៅ​បន្ទន់​ឥរិយាបថ​ទៅ​ចរចា​ជាមួយ​ចោរ គឺ​យើង​អន់​មែនទែន»

លោក រ៉ុង ឈុន ក៏​យល់​ដូចគ្នា​ដែរ​នឹង​ការលើក​ឡើង​របស់​លោក មឿង សុន ដែល​ថា ការ​ដោះស្រាយ​វិបត្តិ​នេះ​ត្រូវ​តែ​ធ្វើឡើង​ដោយ​អង្គការ​សហប្រជាជាតិ ៖ «ចំពោះ​ក្រុមប្រឹក្សា​ឃ្លាំ​មើល ក៏​ដូចជា​ខ្លួន​រូប​ខ្ញុំ​ផ្ទាល់ ខ្ញុំ​ចង់​ឲ្យ​រដ្ឋាភិបាល​ប្រកាន់​ជំហរ​ម៉ឺងម៉ាត់ រឹងមាំ យក​ផល​ប្រយោជន៍​ជាតិ​ជា​ធំ គឺ​ឈរ​ទៅ​លើ​សន្ធិសញ្ញា​បារាំង​-សៀម ឆ្នាំ​១៩០៤, ១៩០៧ ហើយ​ឈរ​លើ​សាលក្រម​របស់​តុលាការ​អន្តរជាតិ​ក្រុង​ឡាអេ ឆ្នាំ​១៩៦២ ឈរ​លើ​កិច្ច​ព្រមព្រៀង​សន្តិភាព​ថ្ងៃ​២៣ តុលា ឆ្នាំ​១៩៩១ ដែល​មាន​ប្រទេស​ហត្ថលេខី​ចំនួន ១៩ រួម​ជាមួយ​នោះ មាន​មហាអំណាច​ធំៗ ហើយ​ប្រទេស​ជាប់​ប្រទេស​យើង​ហ្នឹង​ក៏​ជា​ហត្ថលេខី គឺ​ចង់​ឲ្យ​រដ្ឋាភិបាល​ឈរ​ឲ្យ​រឹង​មាំ ប្រកាន់​ជំហរ​ឲ្យ​ច្បាស់លាស់ ហើយ​ស្នើ​សុំ​អន្តរាគមន៍​ពី​អង្គការ​សហប្រជាជាតិ»

ទោះជា​យ៉ាង​ណា​ក៏​ដោយ លោក ធន សារាយ ប្រធាន​អង្គការ​សិទ្ធិ​មនុស្ស អាដហុក បាន​សម្តែង​ទស្សនៈ​ថា ការចរចា​ទ្វេភាគី​ក៏​អាច​ជា​រឿង​ល្អ​ម្យ៉ាង​ដែរ ប៉ុន្តែ​ត្រូវ​តែ​ធ្វើ​ដោយ​តម្លាភាព ភាព​ម៉ឺងម៉ាត់ ក្នុង​ការគោរព​សមភាគី​និង​ការគោរព​សន្ធិសញ្ញា​និង​អនុសញ្ញា​ព្រំដែន​និង​ច្បាប់​អន្តរជាតិ​នានា​ដែល​ធ្លាប់​មាន​រួច​មក​ហើយ ។

លោក ធន សារាយ មាន​ប្រសាសន៍​ដូច្នេះ​ថា ៖ «ការចរចា​វា​ជា​ការមួយ​ល្អ​ដែ ព្រោះ​ថា កុំ​ឲ្យ​បាក់​មុខ​ទាំង​សង​ខាង ព្រោះ​ប្រទេស​យើង​ជិត​ខាង​គ្នា ត្រូវការ​រស់​នៅ​ជាមួយ​គ្នា រាប់​រយ​រាប់​ពាន់​ឆ្នាំ​ទៅ​មុខ​ទៀត ប៉ុន្តែ​ត្រង់​ថា ការយល់ព្រម​មក​អង្គុយ​តុ​ចរចា​គ្នា​នេះ តើ​ភាគី​ថៃ​នៅ​តែ​ប្រកាន់​ជំហរ​ថា លោក​ចង់​សើរើ​ព្រំដែន​ដែល​មាន​ការឯកភាព​គ្នា​រួច​ហើយ ឬ​មួយ​ក៏​លោក​គ្រាន់​តែ​យល់​ថា យើង​ត្រូវការ​ជជែក​គ្នា​លំអិត​នូវ​ការបោះ​បង្គោល​ថ្មី​ទៅ​លើ​ព្រំដែន​ដែល កាល​ឆ្នាំ​១៩៦២ ទទួល​ស្គាល់​បន្ថែម​ទៀត​ដោយ​តុលាការ​ក្រុង​ឡាអេ​នេះ [ឬ​យ៉ាង​ណា]»

គួរ​បញ្ជាក់​ថា ជម្លោះ​ព្រំដែន​នៅ​តំបន់​ក្បែរ​ប្រាសាទ​ព្រះវិហារ​បាន​កើត​មាន​ឡើង ក្រោយ​ពេល​ដែល​កម្ពុជា​បាន​ប្រកាស​ពី​ការចូល​ឈ្លានពាន​របស់​ថៃ ជាពិសេស គឺ​ការចូល​កាន់កាប់​ទឹកដី​នៃ​វត្ត​កែវ​សិក្ខា​គិរី​ស្វារៈ ហៅវត្ត​ប្រាសាទ​ព្រះវិហារ បន្ទាប់ពី​ប្រទេស​កម្ពុជា​បាន​ជោគជ័យ​ក្នុង​ការដាក់​ប្រាសាទ​ព្រះវិហារ​ជា​បេតិកភណ្ឌ​ពិភពលោក ដែល​ប្រទេស​ថៃ​បាន​ប្រឆាំង​ជំទាស់​ជា​យូរ​មក​ហើយ ។

ក្រោយពី​ការលុកលុយ​នោះ​កម្ពុជា​បាន​ធ្វើការ​ចរចា​ជាមួយ​ថៃ​ជា​លើក​ដំបូង នៅ​ស្រុក​អារញ្ញ ប្រទេស​ថៃ​ម្តង​រួច​មក​ហើយ​តែ​មិន​បាន​លទ្ធផល​ឡើយ ដែល​នាំ​ឲ្យ​កម្ពុជា​សុំ​ឲ្យ​មាន​កិច្ច​អន្តរាគមន៍ ពី​ក្រុមប្រឹក្សា​សន្តិសុខ​អង្គការ​សហ​ប្រជាជាតិ ប៉ុន្តែ​ប្រទេស​ថៃ​បាន​សុំ​ឲ្យ​មាន​ការចរចា​ទ្វេ​ភាគី​ជា​ថ្មី​ទៀត ដូច្នេះ​ហើយ​បាន​ជា​កម្ពុជា​សម្រេច​ព្យួរ​ឲ្យ​មាន​កិច្ច​អន្តរាគមន៍​ពី​ក្រុមប្រឹក្សា​សន្តិសុខ​អង្គការ​សហ​ប្រជាជាតិ​សិន ។

ការចរចា​ចុងក្រោយ​នៅ​ខេត្ត​សៀមរាប​នោះ ភាគី​ទាំង​ពីរ​បាន​យល់ព្រម​ដក​ទ័ព​ចេញ​ពី​តំបន់​មាន​ជម្លោះ​នោះ ប៉ុន្តែ​គេ​មិន​បាន​បញ្ជាក់​ច្បាស់លាស់​ថា​ធ្វើ​ឡើង​នៅ​ពេលណា​ឡើយ ៕

ប្រភព៖ http://www.rfa.org/khmer/indepth/ngos-urge-govt-to-stop-bilateral-talks-07292008093223.html